Видеоэкспонаты
  • Выставка «Пространство памяти моей души», посвященной 105-летию Галины Кривошапко

  • Виртуальная выставка «Наталья Семёновна Посельская – педагог от Бога»

  • Виртуальная выставка “Генрих Ильич Литинский — эпоха якутской музыки”, посвященную к 120-летию


  • Ырыа дьоро киэһэтэ музейга тосхойдо!!!
    12 октября 2018

    Алтынньы 5-12 күннэригэр 6 күн устата Саха сирин норуоттарын муусукатын уонна фольклорун түмэлигэр хатыламмат ырыа күннэрэ аастылар, ол курдук олоҕун ырыа алыптаах кэрэ эйгэтигэр анаабыт, композитор-мелодист  А.К. Калининскай-Луҥха Өлөксөй ырыа куттаах сахабыт дьонун-сэргэтин бэйэтин тула муста.  Биһиги түмэлбитигэр урут сылларга быыстапка арыллыыта биир киэһэнэн түмүктэнэр эбит буоллаҕына «Ырыам айар куйаара…» быыстапка 6 күн устатыгар арыллынна – диэн түмэл үлэһиттэрэ сөхпүттэрин биллэрэллэр. Бу тэрээһиннэр Луҥха Өлөксөй 65 сааһын көрсөр үбүлүөйдээх тэрээһиннэрин биир чэрчитинэн  буолар. Бу күннэр усталарыгар А.К.Калининскай аймах-билэ дьоно, доҕотторо, учууталлара, Тулагы ансаамбыла, Кэбээйи землячествота, Аҕыйах ахсааннаах хотугу норуоттар ассоциациаларын чилиэттэрэ, А.К.Калининскай өр сылларга үлэлэспит доруобуйаларынан хааччахтаах ырыа кэрэ эйгэтин дьоно кэлэн ыалдьыттаатылар. Онтон бюгюн, ол эбэтэр алтынньы 12 күнүгэр Алексей Кириллович иилээн-саҕалаан тэрийсибит Хатастааҕы «Сайдам», «Дьүрүскэн оһуор», «Кэрэ Куо», «Арчылаана» ансаамбыллара уонна кини маҥнайгы тэрийбит Дьокуускайдааҕы национальнай гимназия «Дьиэрэй» ырыа бөлөҕө кэлэн  Ксенофонт Уткин-Нүһүлгэн, Христофор Горохов, Зинаида Минина, Иван Божедонов курдук ырыанньык-поэттар тылларыгар айыллыбыт сахабыт дьонун сүргэтин көтөҕөр «Саргыбыт сайыннын», «Дьол ырыа куората», «Ырыа күнэ», «Таптыыр ахтар Хатаспыт» о.д.а. өрөгөйдөөх ырыалары авторы кытта тэҥҥэ ыллаан-туойан дьон санаатын сылаанньыттылар. Кэлбит коллективтар Алексей Кирилловичка сахалыы ырыа умсулҕаныгар угуйан, ыллыыр дьоҕурбутун арыйан, чочуйан, чопчулаан сылайбакка эрчийэн кэрэ дорҕоон эйгэтигэр сыһыарбытыгар махталлара муҥура суох: «Эн киһиэхэ истиҥ сыһыаныҥ, сахалыы ырыаҕа бэриниилээҕиҥ, ырыа ис хоһоонун, музыкатын өрө тутарыҥ биһиэхэ холобур буолар. Эн Сахабыт сиригэр биир бастыҥ ырыа айааччы буоларгынан киэҥ туттабыт!!!».

    Быыстапка элбэх киһи көрдөһүүтүнэн алтынньы 17 күнүгэр дылы уһаата.

    Буолар сирэ: Киров уул. 31 № дьиэтэ (3 этээс)

    Билсэр төл: 35-38-84

    Киириитэ: 100 солк.

    WhatsApp Image 2018-10-12 at 15.41.05(1) WhatsApp Image 2018-10-12 at 15.41.05(2) WhatsApp Image 2018-10-12 at 15.41.05 WhatsApp Image 2018-10-12 at 15.41.07 WhatsApp Image 2018-10-12 at 15.42.33 WhatsApp Image 2018-10-12 at 15.42.50 WhatsApp Image 2018-10-12 at 15.42.54

    WhatsApp Image 2018-10-12 at 15.53.14 WhatsApp Image 2018-10-12 at 15.59.15WhatsApp Image 2018-10-12 at 15.41.05



    Author of the theme: Tonyc - freelance.ru/users/tonyc