Видеоэкспонаты
  • Выставка «Пространство памяти моей души», посвященной 105-летию Галины Кривошапко

  • Виртуальная выставка «Наталья Семёновна Посельская – педагог от Бога»

  • Виртуальная выставка “Генрих Ильич Литинский — эпоха якутской музыки”, посвященную к 120-летию


  • «Төрүт дорҕоон тойуга» быыстапка арыллар
    29 сентября 2021

    Алтынньы ый 1 күнүгэр, Аан дойдутааҕы музыка күнүнэн Саха сирин норуоттарын музыкатын уонна фольклорун түмэлигэр кырыымпаны оҥорор маастардар «Төрүт дорҕоон тойуга» быыстапкалара арыллар.

    Быыстапкаҕа саха сирин араас муннугуттан сэттэ маастар оҥорбут кыллаах кырыымпалара туруохтара.

    Кылыһах эбэтэр кыллаах кырымпа биһиги сахалар түҥ былыргыттан илдьэ кэлбит төрүт музыкальнай инструмент буолар. Кыллаах кырыымпа үөскүүрүн түҥ былыргы төрүөтэ – ох саа кылын аалан, тыас-уус саҕан тыаһаппыттара диэн сабаҕалааһын баар. Кырыымпа төрүт былыргы аата кылыһах диэн. Кылыһах – «кыл» уонна «һах», ол эбэтэр кылы һаҕан (саҕан) дорҕоон таһаарыы өйдөбүлүттэн үөскээбит. «Кыл» диэн тыл чаачардаах доҕуһуоллуур тэриллэр ааттарыгар түүр омуктарга барыларыгар кэриэтэ баар. А.Ф. Миддендорф үлэтигэр оччотооҕу сахалар кырыымпалара үс кыллааҕын уонна чаачардааҕын ойуулаан хаалларбыта. Этнограф В.Л. Серошевскай «Сахалар инстурментальнай музыканы, ордук скрипкаҕа оонньооһуну олус сэргээн истэллэр» — диэн суруйбута кылыһахтаах кырыымпа тыаһа саха кутугар-сүрүгэр былыр былыргыттан иитиллэн, иҥэ сылдьарын туоһулуур.

    Бу ытык тэрилбит кылыһах билиҥҥи бириэмэҕэ тарҕанан сайдан эрэр. Онуоха биллэр маастардар, уһуйааччылар эдэр көлүөнэни үөрэтэ сылдьаллар, ити дьарыгы  киэҥ эйгэҕэ тарҕаталлар. Биһиги түмэлбитигэр быйыл сэттэ маастар: Аржаков Н.Н. – Боло Уус, Осипов А.А., Захаров Р.А., Габышев Р.П., Ченянов Д.П., Тимофеев В.Т., Неустроев С.С. оҥорбут кылыһах-кыллаах кырымпалара кэлэн туруохтара.

    Бу күн быыстапка арыллыытыгар маастардары кытта истиҥ көрсүһүү, хас биирдии маастартан сүбэ-соргу уонна кылыһах кырыымпа төрүт дорҕоонноох тойугун истиэхпит.

    Быыстапка алтынньы ый 16 күнүгэр диэри үлэлиэҕэ.

    Буолар сирэ: Дьокуускай к., Киров уул. 31, 3 этээс

    Буолар чааһа: 16-00 чаас.

     



    Author of the theme: Tonyc - freelance.ru/users/tonyc