Видеоэкспонаты
  • Выставка «Пространство памяти моей души», посвященной 105-летию Галины Кривошапко

  • Виртуальная выставка «Наталья Семёновна Посельская – педагог от Бога»

  • Виртуальная выставка “Генрих Ильич Литинский — эпоха якутской музыки”, посвященную к 120-летию


  • Саха сирин норуоттарын музыкатын уонна фольклорун түмэлэ Прокопий Прокопьевич Ядрихинскай – Бэдьээлэ 120 сылын бэлиэтээтэ
    10 апреля 2021

    Саха сирин норуоттарын музыкатын уонна фольклорун тумэлигэр Прокопий Прокопьевич Ядрихинскай – Бэдьээлэ 120 сылыгар анаан «Дьырыбына Дьырылыатта Кыыс бухатыыр» олоҥхону оллоонноон олорон оҕолорго иһитиннэрии күнэ буолан ааста.

    Прокопий Ядрихинскай чулуу үлэһит, инники күөҥҥэ сылдьар стахановец, төрөөбүт-үөскээбит Нам улууһун Көбөкөн нэһилиэгэр колхуос төрүттэнэригэр төһүү күүс буолбута. Колхуос, сопхуос үлэтин бэтэрээнэ. Норуот тылын уус-уран айымньыта үйэтийэригэр кылаатын киллэрбит П.П. Ядрихинскай-Бэдьээлэ аата фольклор эйгэтигэр дьоһун миэстэни ылар. Кини тыыннаах куолаһыттан суруллубут олоҥхотун фольклорист Петр Никифорович Дмитриев анаан устан, кэлин “Дьырыбына Дьырылыатта Кыыс бухатыырын” (1981) бэчээккэ бэлэмнээн таһааттарбыта.

    Бүгүҥҥү көрсүһүүгэ 17 нүөмэрдээх Дьокуускай куорат оскуолатын саха тылын уонна литературатын учуутала Мария Матвеевна Попова П.П. Ядрихинскай-Бэдьээлэ олоҕун, айар үлэтин туһунан оҕолорго кэпсээтэ, ол кэнниттэн «Дьырыбына Дьырылыатта Кыыс бухатыыр» олоҥхону Никандр Прокопьевич Тимофеев үөрэнээччитэ Нюргусова Яна Петровна оҕолорго олонхолоон иһитиннэрдэ. Тумэл үлэһитэ оҕолору олонхолору ааҕын, геройдарын үөрэтин, кинилэр билиҥҥи бириэмэҕэ улахан күөх экрацца тахсар фантастическай киинэ персонажтарыттан туох да уратыта суохтарын кэпсээтэ. Никандр Прокопьевич оҕолорго олонхо туһунан кэпсээн, төрөөбүт тылларын харыстаан, үөрэтин диэн иһиттиннэрии күммүтүн алгыс тылынан түмүктээтибит.



    Author of the theme: Tonyc - freelance.ru/users/tonyc