Видеоэкспонаты
  • Выставка «Пространство памяти моей души», посвященной 105-летию Галины Кривошапко

  • Виртуальная выставка «Наталья Семёновна Посельская – педагог от Бога»

  • Виртуальная выставка “Генрих Ильич Литинский — эпоха якутской музыки”, посвященную к 120-летию


  • «Сүүрүгүрэ устар көмүс дорҕооннор»
    29 апреля 2016

    Муус устар 26 күнүгэр Саха сирин норуоттарын музыкатын уонна фольклорун музейыгар  Аан дойдутааҕы уу күнүгэр анаммыт «Сүүрүгүрэ устар көмүс дорҕооннор» диэн биэчэр буолан ааста.

    Бу күн тус санааларын атастаһа, уопуттарын үллэстэ кэллилэр: СӨ культуратын үтүөлээх үлэһитэ, биллиилээх ырыа айааччы, саха ырыаларын үйэтитээччи уонна сырдатааччы, «Дьүһүй» кулууп тэрийээччитэ Алексей Кириллович Калининскай-Луҥха Өлөксөй; СӨ культуратын туйгуна, «Кылыһах», «Далбар», «Күн дьоно» фольклорнай бөлөхтөр салайааччылара Евдокия Павлова; Дьокуускайдаа5ы устар аал инситутун 4 курсун студена Владислав Баркалов уонна да атыттар.

    «Айыы кыһатын» 6 кылааһын үөрэнээччилэрэ, итиэннэ Дьокуускайдааҕы кырдьаҕастар дьиэлэрин олохтоохторо кэлэн Сахабыт сирин улаҕатын булларбатах, биэрэгин биллэрбэтэх, түгэҕин көрдөрбөтөх улуус өрүстэрбит уонна күөллэрбит туһунан ырыалары иһиттилэр, санаа атастастылар.

    Никифорова Лена, Халыева Айта, “Айыы кыһатын”  6 “а” кыл.үөрэнээччилэрэ:  бүгүнҥҥү тэрээһиҥҥэ өрүстэр уонна күөллэр туһунан элбэх ырыаны иһиттибит, биллибит. Кылааспыт салайааччытыгар Акулина Александровнаҕа бу тэрээһиҥҥэ сырытыннарбытыгар махтанабыт.

    Владимир Васильев, Үөһээ Бүлүүтээҕи сокуоннай саастарын ситэ илик оҕоору реабилитациялыыр киин специалиһа: Бу “Сүүрүгүрэ устар көмүс дорҕооннор” биэчэргэ тэрийээччилэр ыҥырыыларын ылынаммын Үөһээ Бүлүүттэн кэлэн кытынным уонна Аким Кондратьев тылларыгар, Алексей Васильев мелодиятыгар “Киэһээҥҥи Бүлүү” диэн ырыаны ыллаатым. Тэрээһин сүрдээх учугэй, Сахабыт сирин өрүстэрин, күөллэрин туһунан наһаа истин, үчүгэй ырыалары иһиттибит. Тэрийээччилэргэ барҕа махтал уонна “Сүүрүгүрэ устар көмүс дорҕооннор”  бырайыак сылын ахсын буолара буолар диэн баҕа санаабын этэбин.

    Мария Спиридонова, “Талба” дьахталлар ансамблларын солистката:  Бу бүгүҥҥү сүрдээх үчүгэй тэрээһиҥҥэ кэлэн кыттыыны ылбыппыттан астынан турабын. Луҥха Өлөксөй  “Дьүһүй” сахалыы ырыа кулуубун тэрийиэҕиттэн тэбис тэҥҥэ сылдьаммыт араас тэрээһиннэргэ кыттабыт. Бүгүҥҥү тэрээһиҥҥэ Лунха Өлөксөй суруйбут “Ыалдьыттааҥ Луҥхабар” ырыатын толордубут. Бу ырыабытыгар быйыл клип онорон турабыт. Бүгүн этиллибитин курдук, биһиги өрүстэрбитигэр, күөллэрбитигэр туох да сүрдээх элбэх ырыа баар. Ол курдук, биһиги репертуарбытыгар Амма, Бүлүү туһунан ырыалардаахпыт. Онтон бэйэм Кэбээйиттэн төрүттээх буоламмын, Луҥха үрэх үрдүгэр улааппыт буоламмын бу ырыаны бүгүн ис дууһабыттан үөрэн туран толордум. Оҕо сааспар, кэрэ кэмнэрбэр төннүбүккэ дылы буоллум. Музыка уонна фольклор музейын үлэһиттэрин тэрээһиннэрэ туох да сүрдээх үчүгэй, кэрэхсэбиллээх, куруук бу курдук ис хоһоонноох биэчэрдэри тэрийэ турдуннар диэн бэйэм баҕа санаабын этэбин.

    Тэрээһин түмүгэр мустубут дьон бука бары К.Уткин тылларыгар, А.Калининскай-Луҥха Өлөксөй мелодиятыгар “Саргыбыт сайыннын” ырыаны уосай ыллаатылар.

    веб



    Author of the theme: Tonyc - freelance.ru/users/tonyc