Видеоэкспонаты
  • Выставка «Пространство памяти моей души», посвященной 105-летию Галины Кривошапко

  • Виртуальная выставка «Наталья Семёновна Посельская – педагог от Бога»

  • Виртуальная выставка “Генрих Ильич Литинский — эпоха якутской музыки”, посвященную к 120-летию


  • «Ийэ кутум этиитинэн» норуот уус-уран оҥоһуктарын маастара Раиса Афанасьевна Другина быыстапката.
    29 марта 2019

    Саха сирин норуоттарын музыкатын уонна фольклорун музейа Дьокуускай куорат олохтоохторун уонна ыалдьыттарын норуот уус-уран оҥоһуктарын маастара Раиса Другина «Ийэ кутум этиитинэн» диэн кылынан-сиэлинэн оҥоһуктарын көрдөрөр быыстапкатыгар ыҥырар.

    Раиса Афанасьевна Верхоянскай куоратыгар 1949 сыллаахха күн сирин көрбүтэ. Оскуоланы бүтэрээт иискэ үлэлээбитэ. Закройщик курсугар үөрэнэн Верхоянскай оройуонун нэһилиэктэригэр Адыаччыга, Саккырыырга, Элгэһиннэ сириллибэккэ үлэлээн, кэлин Райбыткомбинат сабыллан, Горсоветыкка уонна оскуола5а охраннигынан,  гостиницаҕа үлэлээн үлэ ветерана буолбута.

    Раиса Афанасьевна кыра саастааҕар ийэтиттэн иискэ үөрэнэн, номнуо 3-с кылаастан ыла быыстапкаларга кыттан барбыта. Кини биллиилээх чинчийээччи, учуонай, норуот маастара Светлана Ивановна Петрова тэрийбит «Высшая школа мастерства» түмсүүтүгэр, «Уран иис», «Айталыына», «Кылтан, сиэлтэн хатан», “Кыл, туос абылаҥа” бөлөхтөргө дьарыктанар, дьарыктыыр.  Бу сылларга үлэлэрэ элбэх быыстапкаларга улахан кэрэхсэбили ыланнар, Аан дойду таһымыгар кытта тахсыбыттара.  2014 с.Америка Гуалала куоратыгар, Калифорния штатыгар кыттыыта кини айар үлэтин кынаттаабыта. 2015 с. СӨ Норуот маастардарын IV форумугар «Бастыҥ фантазийнай оҥоһуктаах бэргэһэ», 2015с. Туймаада ыһыаҕар «Сайбаҕар илгэ», 2016с. СӨ Кылынан өрүү VI быыстапкатыгар «За композиционное решение» уо.д.а. наҕараадалара Раиса Афанасьевна уран үлэһитин туоһулууллар.

    Кини сүүсчэкэ чилиэннээх «Кылтан, сиэлтэн хатан» диэн саха сирин көмүс тарбахтаахтарын бөлөҕөр кылтан, сиэлтэн өрүү уустук ньымаларын кистэлэҥнэригэр сүбэлээн, дьарыктаан элбэх киһини үөрэтэр, онон, утум уһуктуутун, өбүгэ үөрэҕин салҕааччы, учуутал буолар.

    Быыстапка кулун тутар ый 29 күнүттэн муус устар 12 күнүгэр диэри туруоҕа.

    Киирии билиэт: 100 солк.

    Аадырыспыт: Дьокуускай к., Киров уул.31 №-дээх дьиэтэ (3 этээс)

    Саха сирин норуоттарын музыкатын уонна фольклорун музейа

    Б.т. 35-38-84



    Author of the theme: Tonyc - freelance.ru/users/tonyc