Видеоэкспонаты
  • Выставка «Пространство памяти моей души», посвященной 105-летию Галины Кривошапко

  • Виртуальная выставка «Наталья Семёновна Посельская – педагог от Бога»

  • Виртуальная выставка “Генрих Ильич Литинский — эпоха якутской музыки”, посвященную к 120-летию


  • «Иис-оһуор абылаҥа» быыстапка сүрэхтэннэ
    11 октября 2019

    Алтынньы ый 11 күнүгэр Саха сирин норуоттарын музыкатын уонна фольклорун музейыгар Мэҥэ-Хаҥаластан төрүттээх Маргарита Васильевна Степанова «Иис-оһуор абылаҥа» быыстапката арылынна.

    Маргарита Васильевна бочуоттаах сынньалаҥҥа олорон ииһинэн  дьарыктанар, араас быыстапкаларга кыттар.

    Быыстапка үөрүүлээх арыллыытыгар иистэнньэҥ Маргарита Васильевна үлэлэрин билиһиннэрдэ уонна бытарыыстаах былаат тигэргэ маастар-кылаас көрдөрдө.

    Бу күн иистэнньэҥи оҕо сааһын доҕотторо, аймах-билэ дьонноро, биир дойдулаахтара кэлэн эҕэрдэлээтилэр, маны тэҥэ Мэлдьэхси нэһилиэгин баһылыга Валерий Георгиевич Никифоров Мэҥэ-Хаҥалас улууһун уонна нэһилиэк бэлиэлэрин  үөрүүлээх быһыыга-майгыга туттарда.

    Маргарита Васильевна кинини иискэ уһуйбут СР норуотун уус-уран оноһуктарын маастара, норуот маастара Дария Семеновна Козловаҕа махталын тиэртэ: «Дария Семеновна миэхэ иис кистэлэҥин арыйбыта, сатабылын, билиитин-көрүүтүн миигин кытта үллэстибитэ. Кини ыытар маастар-кылаастарыгар сылдьан элбэххэ үөрэммитим, бу ылбыт билиибин биир дойдулаахтарбын кытта үллэстэбин. Дария Семеновнаттан үөрэнэрим өссө да үгүс дии саныыбын онон салҕыы үөрэнэ тиийиэм диэн эрэллээхпин».

    Быыстапка алтынньы ый 11 күнүттэн 18 күнүгэр диэри туруоҕа.

    Буолар сирэ: “Саха сирин норуоттарын музыкатын уонна фольклорун музейа”, Киров уул. 31№-дээх дьиэтэ, 3 этээс. Билсэр тел.: 35-38-84

    Киирии билиэт: 100 солк.

    7+



    Author of the theme: Tonyc - freelance.ru/users/tonyc