Видеоэкспонаты
  • Выставка «Пространство памяти моей души», посвященной 105-летию Галины Кривошапко

  • Виртуальная выставка «Наталья Семёновна Посельская – педагог от Бога»

  • Виртуальная выставка “Генрих Ильич Литинский — эпоха якутской музыки”, посвященную к 120-летию


  • Чөркөөххө Ийэ олоҥхоһут, ЮНЕСКО стипендиата, алгысчыт П.Е. Решетников-Көһөҥө Бүөтүр төрөөбүтэ 90 сылыгар аналлаах «Айыы алгыстаах, төлкөлөөх түһүлгэ» ыһыах.
    17 июня 2019

    Үрүҥ тунах ыһыахтар саҕаламмыттарынан!

    Бэс ыйын 13-14 күннэригэр Таатта улууһун Чөркөөх илгэлээх буоруттан куорсун анньынан тахсыбыт Ийэ олоҥхоһут, ЮНЕСКО стипендиата, алгысчыт П.Е. Решетников-Көһөҥө Бүөтүр төрөөбүтэ 90 сылыгар аналлаах «Айыы алгыстаах, төлкөлөөх түһүлгэ» ыһыах тэрилиннэ.

    Бастакы күн Петр Решетников олорон ааспыт Охумал алааһыгар бэлиэ анньылынна уонна кини үрдүк аатыгар «Үс дойду олоҥхото-тойуга сайыннын!» диэн олоҥхону куолаан толорууга аһаҕас өрөспүүбүлүкэтээҕи фольклорнай фестиваль аһылынна. Уопсайа 10 хамаанда кэлэн күөн көрүстэ. Бу фестиваль уратыта диэн хамаандалар икки күн устата аҥардас олоҥхону эрэ буолбакка, хомуска, норуот ырыатыгар, тойукка, чабырҕахха күрэхтэстилэр.

    Түмүккэ бастыҥнар ааттаннылар:
    ГРАН ПРИ кыайыылааҕынан Дьохсоҕон нэһилиэгин  «ДЬОХСОҔОН» бөлөҕө ааттанна, салайааччы Афанасий Попов уонна Көһөҥө Бүөтүр төрөппүт кыыһа Розалия Петровна Докторова дьиэ кэргэнин аатыттан 50тыһыынча солкуобайынан наҕараадаланнылар. 

    I миэстэ- -«Кылыһах» бөлөх, сал.Г.Полускина, Тыараһа нэһилиэгэ -30 тыһ.сол. Бирииһи туруорда- кийииттэрэ М.А.Решетникова.
    II миэстэ-«Көһөҥө ситим», сал.М.Яковлева, Чөркөөх,-28 тыһ.солк. Бирииһи туруорда- Егоровтар дьиэ кэргэн оҕолоро.

    III миэстэ -«Дорҕоон тойуга» бөлөх, сал.С.Федорова, Орто Амма- 20 тыһ. солк. Бирииһи туруорда -Егоровтар дьиэ кэргэн.

    АНАЛ ААТТАР:
    «Кылыгырас кылыһахтаах» анал аат -«Иэйии» бөлөх, сал.Н.Аянитова, Дьүлэй нэһилиэгэ
    «Сахалыы тыыннаах бөлөх» анал ааты «Удьурхай-Таатта» бөлөх ылла
    «Өбүгэ үгэһин утумнааччы» аат ананна Дьокуускайтан сылдьар «Алаһа дьоҕурдара» бөлөх,

    Сыл бастыҥ саҕалааччыта»-«Күн Чөмчүүк» бөлөх, сал. С. Колодезникова.

    Олоҥхотун бөлөҕүнэн толоруу көрүҥэр -«Дьолуо» бөлөх, сал.Л.Цой, Таатта улууһа.
    Норуот ырыата-«Дорҕоон тойуга» бөлөх, сал.С.Федорова, Орто Амма,

    Чабырҕахха -«Кылыһах» бөлөх, сал.Г.Полускина, Тыараһа,

    Хомуска сыыйа тардыыга-«Күн Чөмчүүк» бөлөх, сал. С. Колодезникова, Ытык-Күөл.

    Бөлөҕүнэн тойук-«Күөгэйээнэ», сал.А.Артемьева, Амма улууһа.

    Саха сирин норуоттарын музыкатын уонна фольклорун музейын үлэһиттэрэ дьүүллүүр сүбэ састаабыгар киирэн Таатта сирин ыраас салгынынан сайа тыынан, ыалдьыттаан кэллибит. Манна даҕатан эттэххэ, музей 2008 сыллаахха Петр Егорович Решетниковы устан үйэтиппит архыыбын дьонугар-сэргэтигэр, Чөркөөх музейыгар уонна Таатта улууһун култуураҕа салалтатыгар бэлэх ууннубут.

    Маркова К.С., Таатта улууһун культуураҕа салалтатын методиһын хаартыскаҕа туһэриилэрин туһанныбыт.



    Author of the theme: Tonyc - freelance.ru/users/tonyc