Видеоэкспонаты
  • Выставка «Пространство памяти моей души», посвященной 105-летию Галины Кривошапко

  • Виртуальная выставка «Наталья Семёновна Посельская – педагог от Бога»

  • Виртуальная выставка “Генрих Ильич Литинский — эпоха якутской музыки”, посвященную к 120-летию


  • Быыстапкаҕа ыҥырабыт!
    28 мая 2021

     

    Яковлев Василий Семенович-Далан

    «Саха эрдэҕинээҕи дьиҥнээх бэйэ өйдөбүлүн, өйүн-санаатын

     

    бүөбэйдээн илдьэ сылдьыбыт Сээркээн сэһэнньиттэргэ

                                                   уонна ону умнууттан өрүһүйэн  биһиэхэ

    тириэрдибит фольклористарга

    махтал бэлиэтэ буолуохтун – бу айымньы»

    Василий Яковлев — Далан

     

    «Тыгын добун ыһыаҕа»

    В.С. Яковлев- Далан «Тыгын Дархан» арамаанынан айыллыбыт уобурастар

     

    Саха сирин норуоттарын музыкатын уонна фольклорун түмэлигэр аан дойдутааҕы оҕо көмүскэлин күнүнэн уонна саха үрүҥ тунах ыһыаҕын көрсө  «Тыгын добун ыһыаҕа» Василий Семенович  Яковлев- Далан (1928-1996 сс.) «Тыгын Дархан» арамаанынан айыллыбыт уобурастарын быыстапката арыллар.

    Василий Семенович Яковлев-Далан история учуутала, фольклор матырыйаалларын хомуйааччы, саха народнай суруйааччыта, Саха Өрөспүүбүлүкэтин П.А. Ойуунускай аатынан Государственнай бириэмийэтин лауреата, «Доҕордоһуу» орден кавалера, Саха Өрөспүүбүлүкэтин Духовноһын академиятын академига.

    «Тыгын Дархан» айымньыга Саха сиригэр нууччалар кэлиэхтэрин иннинээҕи саха олоҕо көрдөрүллэр. Роман саха норуота сайдан испит суолуттан уларыйан атын хайысханан барыан иннинэ, хайдах олорбутун уус-уран тылынан суруйууга бастакы холонуунан буолар. Сүрүн герой – сахаларга тойон ууһунан ааттанар Хаҥалас аҕа баһылыга Тыгын Дархан дьайыыларыгар, кини сырыыларыгар-айаннарыгар даҕатан оччотооҕу кэм дьонун олоҕо-дьаһаҕа, дьарыктара уонна аҕа уустарын уустук сыһыаннара ойууланар. Роман норуот дьиҥнээх төрүт өйдөбүлүгэр олоҕуран суруллубут.

    Бу арамаан Саха сирин араас муннуктарыттан 23 куукула оҥорооччулары түмпүтэ. Кинилэр биир сүбэнэн бу  араамантан Тыгын ыспыт ыһыаҕын дьүьүйэн  куукула нөҥүө оччотооҕу саха дьонун-сэргэтин айан таһаарбыттара. Бу бырайыак салайааччыта — Парфенова Каролина Петровна буолар. Иистэнньэҥнэр бу улэлэринэн «Народная кукла» (Москва к.) норуоттар икки ардыларыгар ыытыллыбыт быыстапкаҕа кыттан улахан сэҥээриини ылбыттара, бу үлэ суолталааҕын, бэлиэ ис хоһооннооҕун туоһулуур.

    Талба талааннаах, иис-уус айар кутун туппут биһиги куукула оҥороччулар дьоһун үлэлэрин кэлэн көрөн,сыаналыыргытыгар, кэрэ эйгэ  абылаҥнаах күүһүгэр дуоһуйа сынньанаргытыгар баҕарабыт!

     

     



    Author of the theme: Tonyc - freelance.ru/users/tonyc