Видеоэкспонаты
  • Выставка «Пространство памяти моей души», посвященной 105-летию Галины Кривошапко

  • Виртуальная выставка «Наталья Семёновна Посельская – педагог от Бога»

  • Виртуальная выставка “Генрих Ильич Литинский — эпоха якутской музыки”, посвященную к 120-летию


  • Өбүгэ оонньуулара
    18 февраля 2016

    Өбүгэ оонньуулара

    Олунньу ый саамай ыарахан ый. Кыһыҥҥы кэм салҕанан бара турар. Хараҥа кэм ааһа илик, уһун тымныы хам баттыыр. Битэмиин аҕыйыыр. Ити түмүгэр киһи этэ-сиинэ мөлтүүр. Ол мөлтөөбүтүн өбүгэлэрбит өйү-санааны күүһүрдэр сүргэ көтөҕүү диэн сиэри-туому толороллоро. Онон бу ыйга саха сиэринэн сүргэни көтөҕөр туомнар ыытыллаллар. Оччоҕо киһи өйө-санаата көтөҕүллэн ыарыыга бэриммэт буолар. Ыарыы да киирдэҕинэ, чэпчэкитик ааһыан сөп.
    Бу сиэри тутуһан олунньу ый 17 күнүгэр Өктөмнөөҕү лицей үөрэнээччилэригэр сүргэни көтөҕүү диэн сиэр-туом ыытылынна. Ол иһигэр биһиги музейбыт үлэһиттэрэ оҕолорго анаан өбүгэ оонньууларыгар интэриэһи тардар, төрөөбут норуотун оонньууларын кытта билиһиннэрэр сыаллаах «Өбүгэ оонньууларын» ыыттылар.
    Оҕолор маамыктаны быраҕыыга, наартанан ыстаҥаҕа, оҕунан ытыыга, туйаҕынан хаамыыга уонна да атын күрэхтэргэ бэйэлэрин холонон көрдүлэр, күөн көрүстүлэр.
    «Өбугэ оонньуулара» оҕо этэ-сиинэ эрчиллэригэр, чэбдигирэригэр, сайдарыгар олус туһалаах, маны сэргэ оҕо бэйэтин норуотун үгэстэрин убаастыыр, билэр буола улаатар, булугас өйдөөх, сытыы-сымса, тулуурдаах, быһый буолар.
    Өскөтүн интэриэһиргээбит буоллаххытына биһигини кытта билсиэххитин сөп: 35-38-84IMG_20160217_195022 IMG_20160217_195028 IMG_20160217_195355 IMG_20160217_195509 IMG_20160217_200623 IMG_20160217_202039 IMG_20160217_202151 IMG-20160218-WA0006 IMG-20160218-WA0007 IMG-20160218-WA0008 IMG-20160218-WA0009 IMG-20160218-WA0015 IMG-20160218-WA0018



    Author of the theme: Tonyc - freelance.ru/users/tonyc